panaginip
heto na ko’t malapit ng bumangon… ngunit mga mata’y nais pang sumaglit… pwede bang isa pang minuto o kahit segundo… nagnanais pang hindi masinagan ng liwanag…
nararamdaman ko pa ang lamig na tila nanunuot sa isang damdaming di makalimot… at sadya ang sobrang pananabik… nakapaloob sa sulok kung saan namumutawi ang ngiti… kung saan ang lahat ay katha ng labi…
isang minuto pa’t simula na ng buhay… lahat magbabalik, lahat mag-iisip… sama-samang magpapa-agos sa daluyong ng ngayon… maya-maya’y ako naman ang aahon…
gusto ko munang muli’y pumikit… at isiping muli ang ngiting maririkit… gunitain ang bawat saliw ng oras kung kelan tayong dalawa’y naiidlip… nahahalay sa halimuyak ng panaginip…
sana mamaya nandito kang muli…
kahit ilang minuto, ikaw sana’y manatili…
samahan mo ako’t takasan natin ang mundo…
hanggang ang bawat tagpo’y gawin na nating totoo…
